الشعر المجعد

الشعر المجعد جميل ،حيوي والأهم أنه مميز الأشخاص الذين يتمتعون بشعر مجعد جمالهن خاص وجذاب ويمتلكون ثقة عالية بنفسهم..والشعر المجعد حاله حال أي شي في الحياة يحتاج اهتمام ويحتاج عناية والنتيجة بتطلع بقمة في الروعة والجمال والجاذبية .

أنواع الشعر المجعد curly hair:

أهم الأشياء في رحلة الشعر المجعد :

وهي خطوات لازم تسويها عشان الشعر يكون صحي وجميل وبأفضل حالاته وهذي المرحله اسمها مرحلة [التحويل = transtioning ] وفي هذي المرحله الشعر يحتاج اهم العنايه عشان [ الى شعر طبيعي ومجعد ] يرجع مجعد خصوصا للي يعانون من تقصف وتلف من السشوار
أولا : لا للحرارة بجميع أشكالها
الحرارة هي السبب الرئيسي الي يخلي الكرلز ينعدمون ويخترب شكلهم ، فأول خطوة فرحلة الشعر الصحي هو انك تتخلين عن السشوار
والستريتنر نهائيا ع الاقل لحد ماترجع الكرلز لطبيعتها يعني كم شهر مبدئيا ، هذي اهم خطوه والي لولاها كل الخطوات الجايه مابتفیدك، ادري صعب في البداية خصوصا لما تكوني ب مجتمع يشوف الستريت جميل والمجعد لا ، بس خلاص لمتی بنعدم شعرنا عشان يرضا غيرنا ؟ واذا كل الي شعرهم مجعد اهتموا في شعرهم صح بيطلع اجمل واحلى
وبتنتهي هذي الفكره الغلط ..
ثانيا : تخلي عن الشامبوهات الي تحتوي ماده السولفیت ، هذي المادة عبارة عن مادة قوية منظفة للشعر ، ولكنها جدا قوية على الشعر
بحيث تشيل حتى الزيوت المفيدة والي موجودة بالشعر اصلا ،، والشعر المجعد بطبيعته جاف اصلا فإذا استخدمتي مادة كذا بتخليه جدا جاف ونافش وعطشان ..
ثالثا : تخلي عن البلسم او الكوندیشنر الي يحوي مادة السيليكون .
مادة السيكلون تعطي الشعر ایحاء انه مرطب وناعم ولامع ، لكنها فالحقيقه ماتدخل لبصيلة الشعر بل تغلفه وتمنع من المغذيات والزيوت
وتمنع من انه يكون مجعد صحي ومن انه يطول بسرعه ، وكثرة استخدامها يسبب تراكم فيها وتالي الشعر مايرح يستفيد من ولا شي
تحطيه فيه لانه مايدخله أصلا ، وهذي المادة ماتنشال الا بالشامبو فيه سیلیکون !! يعني تخيلي انك تستخدمي مادتين ضارتين للشعر عشان تقللي ضرر مادة وحده ! ، جربي تتخلي عن البلاسم الي تحوتي على السيليكون
واكيد بتحسين بالفرق .